Ħiliet professjonali
Bis-saħħa tal-korsijiet dwar il-ħiliet professjonali, l-interpreti jkunu jistgħu:
-
jaħdmu b’mod aktar effiċjenti
-
jiżviluppaw ċerti ħiliet personali
-
jitħarrġu għal kompiti partikolari.
Dawn il-korsijiet marbuta mill-qrib mat-tekniki tal-interpretazzjoni (eż. il-coaching tal-vuċi, l-interpretazzjoni simultanja mat-test) u ma’ oqsma fejn l-interpreti jaħdmu barra l-kabini (eż. l-appoġġ pedagoġiku fl-universitajiet, il-parteċipazzjoni fil-panels tar-reklutaġġ, il-korsijiet speċjalizzati tal-interpretazzjoni, u l-organizzazzjoni u t-tħejjija tal-laqgħat).
Id-DĠ Interpretazzjoni jorganizza korsijiet dwar it-titjib tal-ħiliet diġitali bl-għan li jittejjeb l-għarfien tal-interpreti fuq l-għodod tekniċi u diġitali li jużaw kuljum f’xogħolhom. Dan jinkludi l-użu tal-glossarji, it-tħejjija tal-laqgħat bl-użu ta’ għodod ġodda, is-sensibilizzazzjoni dwar iċ-ċibersigurtà u l-produttività.
Id-DĠ Interpretazzjoni għandu grupp ta’ interpreti li jaqsmu l-għarfien tagħhom mal-kollegi tagħhom f’dawn l-oqsma.