Assistenza fit-tagħlim fl-universitajiet
Assistenza fit-tagħlim, jew “assistenza pedagoġika” (AP) kif tissejjaħ internament fid-DĠ Interpretazzjoni, hija għajnuna mogħtija fuq il-post fl-universitajiet li magħhom nikkooperaw (ara l-lista tal-Universitajiet) u li jħarrġu l-interpreti tal-konferenzi.
Jekk taħseb li int eliġibbli li tirċievi din l-assistenza tista’ tapplika u tista’ titlob moduli ta’ taħriġ speċifiku.
L-għan huwa li naqsmu l-għarfien tagħna ta’ ħafna snin nħarrġu t-tip ta’ interpreti li għandna bżonn internament mal-universitajiet, sabiex ngħinu fit-tħejjija tal-gradwati biex jieħdu u jgħaddu mit-testijiet tagħna.
Videos ta’ simulazzjoni ta’ test
L-AP hija wkoll mezz biex inkunu nistgħu nitkellmu dwar standards u aspettattivi professjonali mal-universitajiet li qed jagħmlu t-taħriġ. Filwaqt li l-istudenti diġà jkunu f’kuntatt ma’ interpreti li jaħdmu (min qed iħarriġhom), huwa ta’ valur kbir għalihom li “jisimgħuha minn xi ħadd li wieħed jista' joqgħod fuqu”, minn interpretu li jaħdem mal-Kummissjoni Ewropea, li jista’ jipprovdi informazzjoni diretta dwar l-UE – minn kwistjonijiet attwali tal-UE għal prospetti ta’ impjieg u r-realtà tal-ħajja bħala interpretu tal-konferenzi f’istituzzjoni Ewropea.
Hemm tliet tipi differenti ta’ AP: taħriġ għall-istudenti, taħriġ għal min iħarreġ u preżenza fl-eżamijiet – kapaċità, ta’ nofs it-terminu jew finali. L-universitajiet jagħżlu liema tip ikunu jixtiequ. Għall-għajnuna għat-taħriġ tal-istudenti hemm għadd ta’ moduli differenti minn fejn wieħed jista’ jagħżel.
Il-Menu tat-Taħriġ u l-applikazzjonijiet (iddawnlowdja l-fajl taħt “Assistenza fuq il-post”)
Dawk li jagħtu l-assitenza pedagoġika interpreti tal-istaff li ġew imħarrġa internament biex iħarrġu studenti u/jew trainers oħra. Huma mgħammra b’materjal ta’ taħriġ li ġie żviluppat mit-trainers anzjani tagħna.
Appoġġ professjonali għall-interpreti tal-istaff
Aktar pariri ta’ taħriġ dwar SCICtrain
Matul dawn l-aħħar 3 sena, ingħataw medja ta’ madwar 350 jum ta’ AP lil aktar minn 50 università fis-sena fl-Istati Membri u fil-pajjiżi kandidati.
Assistenza lil pajjiżi terzi. Bini tal-Kapaċità
L-għajnuna tingħata abbażi tal-ħtieġa (il-lingwi jiġu kkategorizzati bħala prijorità 1, 2 jew 3) u skont numru ta’ kriterji differenti – pereżempju, l-università għandu jkollha record ta’ suċċess, jew tkun l-unika università li tħarreġ studenti f’lingwi rari, eċċ.
Jekk tixtieq issir taf aktar dwar is-sistema tal-AP tagħna, jew jekk tixtieq tgħidilna dwar kif tappoġġja t-taħriġ tal-interpreti tal-konferenzi nixtiequ nisimgħu mingħandek. Jekk jogħġbok oħloq komunità u aqsam l-għarfien jew il-pożizzjoni tiegħek fuq il-forum!