Pjattaforma kollaborattiva
Iċ-Ċentru tal-Għarfien dwar l-Interpretazzjoni huwa pjattaforma kollaborattiva, li tiddependi fuq il-kontribut tiegħek biex tkun suċċess.
Neħtieġu l-entużjażmu, l-enerġija u l-kompetenza tiegħek!
Il-pjattaforma tfasslet bi tliet partijiet “statiċi” mimlija b’kontenut u informazzjoni fin-naħa ta’ fuq tal-paġna ewlenija - Għarfien, Innovazzjoni, Sħab - u l-aktar partijiet “dinamiċi” tagħhom jinsabu fil-qiegħ - Spazji Kollaborattivi, Networking, Aħbarijiet u Avvenimenti.
Madankollu, dawn kollha jikkontribwixxu għal xulxin:
B’dan il-mod, il-parti “statika” ma tkunx verament statika, peress li dak li jseħħ fit-taqsimiet “dinamiċi” jista’ jiddaħħal fit-taqsimiet statiċi bbażati fuq il-kontenut.
Pereżempju, bl-użu tal-komunitajiet, gruppi ta’ utenti jistgħu jingħaqdu flimkien u jipproduċu kontenut għall-parti statika. Il-funzjoni WIKIdocs tippermetti lill-utenti jaħdmu flimkien fuq test li mbagħad ikun jista’ jiġi sottomess lit-tim editorjali taċ-Ċentru tal-Għarfien għall-validazzjoni qabel ma jiġi ppubblikat.
Biex tkun tista’ tikkontribwixxi trid tkun utent awtentikat, u toħloq profil tal-utent. Hawnhekk issib aktar informazzjoni dan.
Kontributi ġenerali
Hemm ħafna modi differenti kif wieħed jista’ jikkontribwixxi għas-sezzjonijiet “statiċi” u l-paġni:
- Tista’ tuża l-formola ta’ kuntatt biex tgħinna jkollna l-informazzjoni kollha fuq għadd ta’ paġni fil-parti statika, pereżempju dwar:
- provvedituri tal-korsijiet
- assoċjazzjonijiet professjonali
- regolamenti u prattiki
- kotba u riżorsi utli
- Inti mħeġġeġ tibgħat kwalunkwe materjal ta’ taħriġ għall-pubblikazzjoni
- Tista’ tibgħatilna email fi kwalunkwe ħin b’kummenti u b’suġġerimenti
- Fuq kull paġna hemm buttuna li titlob għal feedback li jintbagħat direttament lit-tim editorjali
Spazji kollaborattivi
It-taqsima “dinamika” għandha saħansitra aktar possibbiltajiet biex tinfluwenza ċ-Ċentru ta’ Għarfien.
Il-modi prinċipali kif tista’ tikkontribwixxi huma billi tuża l-komunitajiet u l-fora.
Il-fora huma mfassla aktar għal mistoqsijiet u tfittxijiet miftuħin, u nittamaw li tkun tista’ tgħin biex jitwieġbu, kif ukoll tistaqsi l-mistoqsijiet tiegħek.
Il-Komunitajiet min-naħa l-oħra huma ffukati fuq suġġetti partikolari - tista’ toħloq tiegħek stess jew tingħaqad ma’ dawk eżistenti u tikkontribwixxi għalihom. Għin biex tlaqqa’ n-nies flimkien biex jiddiskutu kwistjonijiet speċifiċi u importanti, u jekk ikun xieraq, jipproduċu kontenut permezz tal-funzjoni WIKIdocs. Il-kontenut prodott mill-komunitajiet jista’ jsir parti mill-kontenut taċ-Ċentru ta’ Għarfien.
Għal gwida komprensiva dwar kif eżattament tista’ tuża dawn l-ispazji jekk jogħġbok ikkonsulta l-Gwida tal-Utenti lill-Komunitajiet u l-Fora
Sabiex ir-regoli jkunu ċari, hemm Kodiċi ta’ kondotta għall-kontributuri.