Scileanna gairmiúla
Is é is cuspóir do chúrsaí scileanna gairmiúla deis a thabhairt d’ateangairí dul i mbun oibre ar bhealach níos éifeachtúla, scileanna boga áirithe a fhorbairt agus oiliúint a chur orthu do thascanna ar leith. Tá ceangal dlúth ag na cúrsaí sin le teicníc na hateangaireachta (e.g. traenáil gutha, ateangaireacht chomhuaineach le téacs) agus le réimsí ina n-oibríonn ateangairí lasmuigh den bhoth (e.g. cabhair oideolaíoch in ollscoileanna, roghnúchán, cúrsaí ateangaireachta speisialaithe, eagrú cruinnithe agus ullmhú le haghaidh cruinnithe).
Eagraíonn Ard-Stiúrthóireacht na hAteangaireachta cúrsaí in úsáid táibléad (iPad agus Android) sa bhoth, i dtrealamh ateangaireachta iniompartha, Word, Excel, PowerPoint agus Outlook. Bíonn na cúrsaí sin saincheaptha chun freastal ar riachtanais na n-ateangairí agus clúdaíonn siad úsáid gluaiseanna agus uirlisí eile a bhaineann le hullmhú le haghaidh cruinnithe.
Físeán: Tacaíochtaí nua teicniúla d’ateangairí
Tá meitheal ateangairí in AS na hAteangaireachta a roinneann a gcuid eolais lena gcomhghleacaithe sna réimsí sin.