Acmhainní d’ateangairí foirne agus d’ateangairí ar conradh a oibríonn d’Ard-Stiúrthóireacht na hAteangaireachta
- Is éard atá i gceist le teangacha a fhoghlaim teangacha nua a shealbhú agus teangacha a bhfuil leibhéal ard inniúlachta ag duine iontu cheana féin a chothabháil. Is é an réimse forbartha gairmiúla is tábhachtaí d’ateangairí atá ag obair d’Ard-Stiúrthóireacht na hAteangaireachta.
- Bíonn ateangairí in Ard-Stiúrthóireacht na hAteangaireachta ag plé le réimse leathan ábhar casta agus teastaíonn tacaíocht shaincheaptha uathu chun cur amach a fháil ar réimsí éagsúla saineolais (dlí, eacnamaíocht, talmhaíocht, iascach, etc.).
- Díríonn cúrsaí scileanna gairmiúla ar theicnící ateangaireachta (e.g. oiliúint ghutha) agus ar réimsí ina n-oibríonn ateangairí lasmuigh den bhoth (e.g. páirt a ghlacadh i mbord scrúdaithe, óráidí a scríobh nó ateangaireacht a theagasc do mhic léinn ollscoile).
- Leis an ríomhfhoghlaim, is féidir foghlaim ar bhealach solúbtha. Coiméadann Ard-Stiúrthóireacht na hAteangaireachta catalóg speisialta de chúrsaí ríomhfhoghlama dá hateangairí. Dearadh na cúrsaí sin go hinmheánach nó cuireann institiúidí eile de chuid an Aontais nó institiúidí idirnáisiúnta ar fáil iad.