Kif tikkomunika b’mod ċar fil-laqgħat u kif jirnexxilek tikkollabora mal-interpreti
Tkellem b’impatt
Meta tingħata l-kelma, poġġi l-mikrofonu direttament quddiemek, neħħi l-earphones tiegħek u poġġihom ferm ’il bogħod mill-mikrofonu. Imbagħad ixgħel il-mikrofonu. Meta titkellem, żomm f’moħħok il-punti li ġejjin:
- jekk ikun possibbli tkellem il-lingwa nattiva tiegħek
- jekk tibdel il-lingwa, ħabbar din l-għażla b’mod ċar
- tkellem b’mod naturali u b’ritmu raġonevoli
- aħjar titkellem milli taqra; jekk trid taqra, tkellem b’ritmu moderat u ħu pawżi b’mod regolari
- ippronunzja n-numri, l-ismijiet u l-akronimi b’mod ċar
- meta tirreferi għal dokument, semmi b’mod ċar in-numru ta’ referenza tiegħu u l-paġna
- jekk taqra diskors, kun ċert li l-interpreti jkollhom it-test
- tkellem mal-interpreti u tihom il-feedback
Filmat: Sir af iktar dwar l-aħjar prattiki biex titkellem f’konferenza multilingwi.
Kif titkellem f’laqgħat online
Sabiex tidher, tinstema’ u tinftiehem:
- qabel il-laqgħa, ittestja l-konnessjoni u l-awdjo tiegħek
- il-konnessjoni għandha ssir biss minn ambjent simili għal uffiċċju
- kun ċert li għandek konnessjoni tal-internet stabbli
- dejjem ixgħel il-kamera tiegħek
- uża mikrofonu adattat
- sikket il-mikrofonu tiegħek meta ma tkunx qed titkellem
Filmat: Skopri kif tista’ twassal il-messaġġ tiegħek b’mod ċar f’laqgħa ibrida.